Durante os días 8 e 9 de xuño tivo lugar a 6ª Xornada Bibliosaúde no salón de actos da Consellería de Sanidade en Santiago de Compostela, cuxo tema este ano foi “Autorías: normalización e outras cuestións”.
O xoves 8 pola tarde, realizouse un curso de Escritura Científica, impartido pola doutora Ximena Alvira da empresa Elsevier, que durante dúas horas explicounos como empezar a redactar un artigo, por onde se debería empezar a escribir, e foi debullando a súa metodoloxía en cada parte do artigo, dándonos consellos e algúns trucos moi útiles, baseándose na súa experiencia tanto de investigadora como de redactora durante uns anos.
Xa o venres 9 na xornada de mañá contamos coa presenza de Victoriano Urgorri e Guillermo Díaz Agras, investigadores da Estación de Bioloxía Mariña da Graña; Carlos
González Guitián do Servizo de Biblioteca do Complexo Hospitalario Universitario A Coruña
(CHUAC); María Sobrido Prieto, profesora da Universidade da Coruña (UDC) na Facultade de Enfermería-Podoloxía, Jose Manuel Estrada Lorenzo do Servizo de Biblioteca do Hospital 12 de Octubre de Madrid; Alberto Fuentes Losada, Secretario Xeral da Consellería de Sanidade, Benigno Rosón Calvo da Subdirección Xeral de Sistemas e Tecnoloxías dá Información e Carmen Rodríguez Otero de Bibliosaúde.